ກ່ຽວກັບໂຄງການ Tourism-Zero
ໂຄງການ Tourism-Zero ເປັນໂຄງການຮ່ວມມືລະດັບນານາຊາດ ທີ່ໄດ້ຮັບທຶນສະໜັບສະໜູນຈາກໂຄງການ Erasmus+ ສ້າງຄວາມເຂັ້ມແຂງໃຫ້ແກ່ຂະແໜງການສຶກສາຊັ້ນສູງ, ເຊິ່ງມີໄລຍະຈັດຕັ້ງປະຕິບັດທັງໝົດ 3 ປີ ໂດຍມີ ສະຖາບັນການສຶກສາຊັ້ນສູງ ແລະ ອົງການຈັດຕັ້ງຕ່າງໆຈາກປະເທດໄທ, ສປປ ລາວ, ສປ ຈີນ, ເກຣັກ ແລະ ແອັດສະປາຍ ເປັນຄູ່ຮ່ວມມືໃນໂຄງການດັ່ງກ່າວນີ້.
ໂຄງການມີເປົ້າໝາຍສະໜັບສະໜູນສະຖາບັນການສຶກສາຊັ້ນສູງ 2 ແຫ່ງ ຢູ່ປະເທດໄທ (ມະຫາວິທະຍາໄລຊຽງໃໝ່, ມະຫາວິທະຍາໄລສົງຂານະຄະລິນ), 2 ແຫ່ງ ຢູ່ ສປ ຈີນ (ມະຫາວິທະຍາໄລເຊິງຕູ່, ມະຫາວິທະຍາໄລຢູນນານ), ແລະ 2 ແຫ່ງ ຢູ່ ສປປ ລາວ (ມະຫາວິທະຍາໄລແຫ່ງຊາດ, ມະຫາວິທະຍາໄລສະຫວັນນະເຂດ) ຍົກລະດັບຄຸນະພາບ ແລະ ຄວາມສອດຄ່ອງຂອງຫຼັກສູດການສຶກສາ ເພື່ອໃຫ້ສາມາດຮັບມືກັບສິ່ງທ້າທາຍດ້ານສິ່ງແວດລ້ອມ ແລະ ຄວາມຕ້ອງການຂອງຕະຫຼາດແຮງງານເພື່ອຮັບປະການຈັດການດ້ານການທ່ອງທ່ຽວແບບຍືນຍົງ ຫຼື ການຈັດການສິ່ງເສດເຫຼືອໃຫ້ເປັນສູນໃນຂະແໜງການທ່ອງທ່ຽວ.
Our Vision
“A future where travel is synonymous with sustainability, culture, and responsible exploration.”
ຈຸດປະສົງຂອງໂຄງການ Tourism-Zero
ປະເມີນແນວທາງການຈັດຕັ້ງປະຕິບັດ, ຄວາມຕ້ອງການ, ຊ່ອງຫວ່າງດ້ານຄວາມຮູ້ ແລະ ທັກສະ ກ່ຽວກັບການຈັດການສິ່ງເສດເຫຼືອໃຫ້ເປັນສູນ ໃນຂະແໜງການທ່ອງທ່ຽວ ແລະ ການບໍລິການ
ພັດທະນາວິຊາສອນທີ່ກ່ຽວຂ້ອງກັບການຈັດການສິ່ງເສດເຫຼືອໃຫ້ເປັນສູນ ເພື່ອການດໍາເນີນທຸລະກິດການທ່ອງທ່ຽວແບບຍືນຍົງ
ເສີມສ້າງທັກສະຂອງອາຈານສອນ ກ່ຽວກັບການຈັດການສິ່ງເສດເຫຼືອເປັນສູນ ໃນຂະແໜງການທ່ອງທ່ຽວ ແລະ ການບໍລິການ
ຍົກລະດັບທັກສະຂອງນັກສຶກສາທີ່ຈະເປັນກໍາລັງແຮງງານໃນອະນາຄົດ ໃນຂະແໜງການທ່ອງທ່ຽວ ແລະ ການບໍລິການ ໃຫ້ມີຄວາມສາມາດໃນການຈັດການສິ່ງເສດເຫຼືອກເປັນສູນ
ສົ່ງເສີມການຍົກລະດັບ/ພັດທະນາທັກສະການເຮັດວຽກຂອງກໍາລັງແຮງງານໃນຂະແໜງການທ່ອງທ່ຽວ ແລະ ການບໍລິການ ໃຫ້ສອດຄ່ອງກັບຄວາມຕ້ອງການດ້ານການຈັດການສິ່ງເສດເຫຼືອໃນຍຸກໃໝ່
ຍົກລະດັບຄວາມຮັບຮູ້ ແລະ ເຂົ້າໃຈກ່ຽວກັບແນວທາງການປະຕິບັດ ແລະ ອາຊີບ ທີ່ກ່ຽວຂ້ອງກັບການຈັດການສິ່ງເສດເຫຼືອໃຫ້ເປັນສູນໃນຂະແໜງການທ່ອງທ່ຽວ ແລະ ການບໍລິການ
ປັບປຸງຫຼັກສູດການສຶກສາ ພາຍໃນພາກວິຊາການທ່ອງທ່ຽວ ແລະ ການບໍລິການ (ລວມທັງພາກວິຊາອື່ນໆທີ່ກ່ຽວຂ້ອງ) ຢູ່ໃນສະຖາບັນການສຶກສາຊັ້ນສູງ ໃຫ້ມີຄວາມທັນສະໄໝ ແລະ ເນັ້ນໜັກດ້ານນະວັດຕະກໍາໃນການທ່ອງທ່ຽວທີ່ປະສະຈາກສິ່ງເສດເຫຼືອ.
ຂັ້ນຕອນການດໍາເນີນໂຄງການ
ຕະຫຼອດໄລຍະເວລາ 3 ປີ ຂອງການດໍາເນີນໂຄງການ Tourism-Zero, ຄະນະຮັບຜິດຊອບໂຄງການຈະດໍາເນີນການຕາມແຕ່ລະຂັ້ນຕອນຢ່າງຊັດເຈນເພື່ອໃຫ້ບັນລຸຈຸດປະສົງຂອງໂຄງການ ແລະ ສົ່ງເສີມການປະຕິບັດການທ່ອງທ່ຽວທີ່ປະສະຈາກສິ່ງເສດເຫຼືອ, ມີຄວາມຍືນຍົງ ແລະ ເປັນມິດກັບສິ່ງແວດລ້ອມ ໃນພາກພື້ນອາຊີຕາເວັນ ອອກສ່ຽງໃຕ້.
